«Көктем аруы – 2023» аудандық байқауы

Сәуірдің 21-і күні аудандық мәдениет үйінде «Көктем аруы – 2023» атты ең әдемі әрі көктемгі байқау өтті. Негізгі қатысушылар ауылдық округтерден 7-10 жас аралығындағы қыз балалар болды. Іс-шараның ұйымдастырушысы – Елубай Өмірзақов атындағы аудандық мәдениет үйі.
Байқау үш кезең бойынша өтті. «Визитка» атты бірінші кезеңінде қыздар өздері, хоббилері және отбасылары туралы әңгімеледі. Екінші шығармашылық сайыста көрермендер мен қазылар алқасы сан алуан нөмірлерді – би, ән, музыкалық аспапта ойнау, поэзияны тамашалады. Үшінші кезең «Дефиле» болды. Сахнадан ең жақсы киімдерін киген кішкентай арулар өтті. Мереке «Достық» ансамблінің жас өнерпаздарының өнерімен әрленіп, көрермендерді билерімен қуантты.
Байқау қорытындысы шығарылып, түрлі номинациялар бойынша жеңімпаздар анықталды. Сонымен, «Көктем жұлдызы – 2023» номинациясы бойынша көрермендер жүлдесін Апановка ауылынан №11 қатысушы Жақып Нұрайым жеңіп алса, «Білімді ару – 2023» номинациясының ең интеллектуалды қатысушысы Красносельский ауылынан Ксения Кисляк болды. «Маржан ару - 2023» номинациясы бойынша қазылар алқасы Майский ауылынан Анахит Ирицянды таңдаса, Аруна Мейрамбекқызы «Өнерлі ару - 2023» өнерпазы атанды. Көктемнің бас ханшайымы «Көктем аруы – 2023» атағын кішкентай және өте креативті қатысушы, Тобыл кентінің тұрғыны Әлімқызы Ақбота жеңіп алды.