Театрлық калейдоскоп

28 наурыз күні аудандық Мәдениет үйінде Халықаралық Театр күніне арналған ерекше мерекелік іс-шара өтті. Салтанатты шара өнерге жақын, талантты өнерпаздарды құрметтеуге арналған. Өткен жылы Бейімбет Майлин ауданының Халық театры 75 жылдық мерейтойын атап өтті. Осынау айтулы дата театр үлкен сұраныста екендігін көрсетеді, ал түрлі деңгейдегі көптеген марапаттар мен «халық» атағы көрермендердің сүйіспеншілігі мен адалдығына ие болған оның труппасының шеберлігін растайды.
          Бір сағат бойы көрермендер театрландырылған миниатюраларды тамашалады. Халық театрының әртістері көрерменге көпшілікке таныс шығармаларды ирониялық түрде ұсынды. Қ.С. Станиславскийдің айтуынша «Театр – өмірді бейнелейтін өнер». «Кешіккен махаббат», «Қар ханшайымы», «Ақ келін», «Домбыра дауысы», «Аладдин», «Неке қияр», «Аз және Ферт» қойылымдарынан үзінділер арқылы көрермен адам өміріндегі түрлі жағдайларды көргендей болды.
         Театр мерекесі аудан әкімінің орынбасары Марат Әлмағамбетов пен мәдениет бөлімінің басшысы Светлана Құлжанованың құттықтаулары және марапаттауларымен жалғасты. Сахна төріне марапат иелері, театр ардагерлері, дебютанттар шықты. Актерлердің ішінде ең үлкен ардагеріміз, суретші Виктор Рудневтің жасы 60-тан асқан болса, ал ең жас өнерпазымыз Дарья Тегельская 12 жаста. Театр режиссері Нина Луценко атап өткендей, сахнаға театр сүйер қауымның төрт ұрпағы жиналды.
         Көрермендерге жақсы көңіл-күй сыйлаған ұлы мереке өз мәресіне жетті, жүректерге керемет жылылық орнатты. Ұзақ қол соғу арқылы көрермендер театр әртістерінің орасан зор еңбектеріне жоғары баға берді.