Желтоқсанның 26-сы күні Елубай Өмірзақов атындағы аудандық Мәдениет үйінің қабырғасында ерекше жетістіктерге жеткен аудан оқушылары үшін шырша өтті. Жиналған балаларды аудан әкімі Қайсар Мыржақыпов құттықтады. Балаларға естелік сыйлықтармен қатар тәтті сыйлықтар, жұмсақ ойыншықтар мен ертегі кітаптары сыйға тартылды. Мәдениет үйінің фойесінде небір ертегілердің, мультсериалдарының кейіпкерлерін сомдаған балалар жиналды. Олар шыршаны айнала ойнап, би биледі. 
