Болған оқиғаларға негізделген спектакль.

         15 желтоқсан күні Елубай Өмірзақов атындағы аудандық мәдениет үйінің сахнасында «Ақ келін» спектаклінің премьерасы өтті. Халық театрының әртістері нақты оқиғаларға негізделген қойылымды нақышына келтіріп сомдай білді. Қойылым Бадрисафа (Александра Ивановна) мен оның жары Ахмет Байтұрсынұлының махаббаттары туралы баяндайды. Спектакль түсінікті, әрі қалың көрерменге жақын болу мақсатында екі тілде қойылды. Халық театрының әртістері 20-ғасырдың 20-30 жылдарындағы Қазақ жеріндегі қайғылы оқиғалардың кенепте өрілген махаббатын, барлық трагедиясын көрерменге жеткізуге тырысты.
       Ахмет Байтұрсынұлының рөлін сомдаған Мәдениет үйінің қызметкері Ерхан Ибраев кейіпкерінің мінезін шыншыл көрсете білді. Кейіпкердің жастық шағын, үлкейген кезеңін ойнау өте қиын болғанымен жас актер өз рөлін жақсы атқарды. Бадрисафа (Александра) Байтұрсынова рөлін екі актриса сомдады. Аудандық кітапхана қызметкері Нина Корякина жас Сашаның бейнесін шығарды - махаббатқа адал, өзі таңдаған адаммен өмір сүретін әлемді қабылдауға дайын кейіпкерді толығымен көрсетті.
      Театр режиссері Нина Луценко көп нәрсені басынан өткерген, азап шеккен, бірақ махаббатына соңына дейін адал болған, Ахмет Байтұрсынұлы мен оның халқының тағдырын еш ойланбастан бөліскен кемел әйелді сомдады.
     Халық театрының қойылымы арқылы Қазақ елінің тәуелсіздігі үшін күрескен, нағыз патриот, интернационалист болған тұлғаның өмірі насихатталып, өскелең ұрпаққа жетеді деген ойдамыз!