Бейімбет Майлин ауданында ауыл шаруашылығы, азық-түлік және қайта өңдеу өнеркәсібі қызметкерлерінің мерекесі аталып өтті.

          Тағы бір ауыл шаруашылық жылы – егіс алқабындағы және фермадағы жасампаз еңбек жылы аяқталды. Осы айтулы оқиғаға орай қарашаның 11-і күні аудандық мәдениет үйінде ауыл еңбеккерлеріне, ауыл шаруашылығы кәсіпорындарының басшылары мен мамандарына құрмет көрсетуге арналған салтанатты мерекелік шара өтті.
      Бұл – ауданның егіс алқаптары мен шаруа қожалықтарының, өңдеу өнеркәсібі кәсіпорындарының үздіктері, мамандары мен ауыл шаруашылығы кәсіпорындарының басшылары бас қосқан егін мерекесі – жеміс мерекесі. Мәдениет үйінің фойесінде ауданымыздың ауылдық округтерінің көрмелері дайындалды. Ауыл шаруашылығы жылының қорытындысын аудан әкімінің орынбасары Қалыбек Жұмашев қорытындылады.
      Сөз алған аудан әкімі ауыл шаруашылығы қызметкерлерін шын жүректен құттықтап, ізгі тілегін білдірді. Қайсар Мыржақыпов өз сөзінде: «Шаруа еңбегі, адамнан жан-жақты ынталылықты, табандылықты, ертеңгі күн үшін еңбек ете білуді талап етеді, сондықтан диқанның, малшының еңбегін лайықты бағалау тұрақтылық пен сенімділіктің бір кепілі, бүкіл қоғамның болашағына деген сенім. Осы мерекелі күні агроөнеркәсіп саласының қызметкерлері мен ардагерлеріне қажырлы еңбектері, адалдықтары, жоғары жауапкершіліктері үшін алғыс айтқым келеді. Сіздерге шын жүректен денсаулық, болашаққа деген сенімділік, ауданымыздың, біздің Отанымыздың игілігі үшін жаңа елеулі жетістіктер тілеймін!», - деді.
            Бірқатар ауыл шаруашылығы ұйымдарының басшылары мен мамандары Ауыл шаруашылығы Министрлігінің, облыс әкімінің және аудан әкімінің Құрмет грамоталарымен, медальдарымен, Алғыс хаттарымен марапатталды. Ауданның ауыл шаруашылығы қызметкерлеріне құттықтаулар мен алғыс сөздерді «Қостанай облысы әкімдігінің ветеринария басқармасы» мемлекеттік мекемесінің басшысы А.Шектібаев жолдады.
           Осы атаулы күнге мәдениет саласының қызметкерлері кең ауқымды мерекелік концерттік бағдарлама әзірледі. Ауданымызға танымал топтар мен солистер көрермендерді жарқын билері және әндерімен қуантты.