18 қазан күні аудандық мәдениет үйінде Республика күніне орай аудан мектептерінің жоғары сынып оқушыларына әскери-патриоттық тәрбие беру сабағы өтті. Қостанай облысы қорғаныс істері Департаменті басшысының орынбасары,майор Манарбек Даутов жасөспірімдерге, «Жас сарбаз» әскери-патриоттық сыныбының тәрбиеленушілеріне оқуға түсу тәртібі, сонымен қатар білім беру жүйесінде мерзімді әскери қызметшілерге берілетін жеңілдіктер туралы ақпарат берді. Ол Қорғаныс министрлігі мен оқу орындарының өзара байланыс қажеттігін айтты. Офицердің айтуынша, жастардың бойында рухани-патриоттық сезім мен азаматтық жауапкершілікті қалыптастыру – барлық мемлекеттік органдардың, жастар ұйымдарының, отбасы мен қоғамның міндеті. Қыркүйек айының басынан елімізде күзгі әскерге шақыру басталып, іс-шара барысында 7 сарбазды салтанатты түрде шығарып салу рәсімі өтті. Болашақ ел қорғаушыларға арнап аудан әкімінің орынбасары Марат Әлмағамбетов және ардагер, интернационалист-жауынгер Есен Бимурзин сөз сөйледі. Сондай-ақ, ел Президентінің Қазақстан халқына Жолдауын түсіндіру бойынша «Әділетті мемлекет. Біріккен ұлт. Өркендеген қоғам» тақырыбында ішкі саясат бөлімінің басшысы Ольга Нұрғалиева балалар алдында сөз сөйледі. Ерлік сабағында Мәдениет үйінің әншілері патриоттық әндер орындады.
18 қазан күні аудандық мәдениет үйінде Республика күніне орай аудан мектептерінің жоғары сынып оқушыларына әскери-патриоттық тәрбие беру сабағы өтті.
