Жүрекжарды, жылы мерекелердің бірі – Ұстаздар күніне арналып 5 қазан күні Елубай Өмірзақов атындағы аудандық мәдениет үйінде мерекелік концерт өтті. Мәдениет үйінің залына педагогика саласына еңбектерін арнаған еңбек ардагерлері, аудан мектептерінің ұстаздары, тәрбиешілер, оқушылар жиналды.
Мерекелік іс-шараның ресми бөлімін аудан әкімі ашты. Дәстүр бойынша кәсіби мерекеге орай бір топ ұстаздар мен тәрбиешілер өскелең ұрпақты тәрбиелеу мен тәрбиелеудегі елеулі табыстары үшін Құрмет грамоталарымен, Алғыс хаттармен марапатталды. Ерекше сертификаттар Май, № 2 Тобыл, Новоильинов мектептеріне және Балалар өнер мектебіне берілді.
Сондай-ақ, ұстаздар қатарына биыл қосылған 17 жас ұстаз да құрметке бөленді. «Экзерсис» би тобы, «Әйет» вокалдық тобы, балалар вокалдық ансамблі, Вадим Байер, Елена Кузнецова, Мейрамбек Кенжебаев, Таңатқан Жүрсін, т.б жиналғандардың барлығына көтеріңкі көңіл-күй мен шығармашылық шабыт сыйлады.
