Бас қаланың туған күніне орай

6 шілдеде қазақстандықтар Нұр-Сұлтанның туған күнін атап өтеді. Биыл қала 24 жасқа толды. Мереке қарсаңында Өмірзақов атындағы аудандық мәдениет үйінде "Елімнің жүрегі Нұр Сұлтан" атты мерекелік концерт өтті. Аудан әкімі Қайсар Мыржақыпов жиналғандарды мерекемен құттықтап, "Бүгінде Нұр-Сұлтан - біздің халқымыздың мақтанышына айналған, көп ғасырлық тарихы бар әлемнің үлкен қалаларымен бірге тұрған еліміздің ең әдемі қаласы. Көп ұлтты халықтың жаңаруы мен бірлігінің нышаны бола отырып, ол адамдардың ең жарқын армандары мен үміттерін бейнелейді. Елорда әлемнің барлық жақтарының мәдениеттерінің үйлесімі мен бірігуімен ерекшеленеді. Оның әдемі және керемет екенін бүкіл әлем мойындайды. Күн сайын өзгеріп, заманауи нысандармен және жаңа көрікті жерлермен толықтырыла отырып, мемлекетіміздің басты қаласы Тәуелсіздікке қол жеткізудің арқасында мүмкін болған ең қымбат ойлардың көрінісіне айналды", - деді аудан басшысы. Дәстүр бойынша аудан әкімінің құттықтауы марапаттау рәсімімен жалғасты. Мұғалімдер, пошта және теміржол қызметкерлері мақтау қағаздарымен және алғыс хаттармен марапатталды. Сондай-ақ, мереке қарсаңында "Мерейлі отбасы" ұлттық конкурсының аудандық кезеңіне қатысушылардың 4 отбасы атап өтілді. Айет ауылынын тұрғындары Оразбаевтар отбасы және Марковтар отбасылары /Калинин ауылдық округі / аудан әкімінің Алғыс хатымен марапатталды. Конкурс жеңімпаздарының дипломдарымен Новоильинов ауылының Сметанины және Тобыл кентінің Рубинских отбасылары марапатталды. Астана күніне орай музыкалық сыйлық Қамысты ауданының өнерпаздарының өнер көрсетуі болды.