Домбыра әр ғасыр арқылы естіледі!

Ән шығармашылығының халықтық музыкалық шығармаларын насихаттау. Дәл осы мақсатты аудандық "Жан серігім домбыра"жас домбырашылар байқауының ұйымдастырушылары көздеді.
Ұлттық домбыра күніне орай, "Рухани жаңғыру" бағдарламасы аясында 8-13 жас аралығындағы 16 қатысушы 1 шілде күні аудандық мәдениет үйінде жиналды. Шығармашылық сайысты Елубай Өмірзақов атындағы аудандық мәдениет үйі ұйымдастырды.
"Жан серігім домбыра" жобасының міндеттері музыкадағы дарынды оқушыларды анықтау, шеберлігін арттыру және олардың әлеуетін дамыту, балалар мен жасөспірімдерді эстетикалық тәрбиелеу үшін жағдай жасау, елдегі мәдениетті дамытуды өзектендіру, патриоттық тәрбие, ұлттық тарихқа назар аудару болып табылады. Байқау жас таланттарды анықтау және қолдау, өскелең ұрпақ арасында қазақ өнерін насихаттауға бағытталған.
Тобыл кенті, Елизаветинка, Красносельское және Әйет ауылдарының жас домбыра шеберінің күш-жігерін қазылар алқасы бағалады.
8 жастан 10 жасқа дейінгі және 11 жастан 13 жасқа дейінгі екі топ өз шеберліктерін көрсетті. Сахна төрінен белгілі халық күйлері мен Дәулеткерей, Желдібаев, Әбеновтің туындылары шырқалды. Сайыс қорытындысы бойынша кіші топта Тобыл кентінен Мәжібай Мұхамедали, Әйет ауылынан келген жас домбырашы Әсем Төлегенова екінші орын және аудандық өнер мектебінің оқушысы Арина Бурбаева 1 орын алды.
Қатысушылардың аға тобында орындар келесідей бөлінді.
Аға топта 1-орынды оқытушы Айбек Балтабаевтың оқушысы Бақытжанов Темірлан, екінші орынды Джуманиязова Айткүл, оқытушы Әлия Мәжит иеленді, үздік үштікті Тобыл кентінен келген қатысушы, өнер мектебінің оқушысы Нұрайым Қуантай тұйықтады.
Жеңімпаздар мен жүлдегерлер дипломдармен және естелік сыйлықтармен марапатталды. Сондай-ақ, жас музыканттардың тәлімгерлері алғыс хаттармен марапатталды.