Ұлттық домбыра күніне

2018 жылдан бастап мерекелер мен ерекше күндер күнтізбесінде ерекше ұлттық мереке — домбыра күні бар. Ұлттық домбыра күніне және Еліміздің бас қаласы туған күніне орай, Тобыл кентінде домбыра монументінің жанындағы "Ұлт рухы" аллеясында "Үкілі домбыра" ұлттық музыка мерекесі өтті. Барлық қатысушыларды кент әкімі Аманжол Есмағамбетов құттықтады. Өз сөзінде ол домбыра — халықтың жаны-бұрыннан Қазақстанның ұлттық қазынасы болып саналатынын атап өтті. Ғасырлар бойы бұл музыкалық аспап қазақ халқының бай рухани тарихы мен дәстүрлерінің символы болған және болып қала береді. Ал домбыраның сүйемелдеуімен ән айту әлемдік материалдық емес мәдени мұра тізіміне енгізілген. Теміржол кентіндегі мерекеге аудан әкімінің орынбасары Назгүл Манасова мен ішкі саясат бөлімінің басшысы Ольга Нұрғалиева келді. Ұйымдастырушылардың айтуынша, мерекенің басты мақсаты-еліміздің брендіне айналған ұлттық қазақ музыкалық аспабын дәріптеу. Іс-шараны Елубай Өмірзақов атындағы аудандық мәдениет үйі және Тобыл кентінің "Думан" мәдениет үйі ұйымдастырды. Көрермендер алдында "Әйет" қазақ халық аспаптар ансамблі, облыстан тыс жерде танымал "Даймондс" би ұжымы, Әлия Мәжит жетекшілік ететін аудандық өнер мектебінің домбырашылар ансамблі, сондай-ақ жеке солистер өнер көрсетті. Көрермендер үшін фотозона ұйымдастырылды. Әрбір адам қазақтың ұлттық киімін киіп, домбыра монументінің жанында суретке түсе алды.