Халыққа қызмет ету, Отанға қызмет ету!

23 маусым күні аудандық Мәдениет үйінде Қазақстан полициясының құрылғанына 30 жыл толуына және Қазақстан Республикасының мемлекеттік қызметшілер күніне арналған салтанатты іс-шара өтті.
Іс-шара жиналғандардың Мемлекеттік Әнұранды орындауынан басталды.Аудан әкімі Қайсар Мыржақыпов қатысушыларды кәсіби мерекесімен құттықтап, өз сөзінде Отандық полицияның қалыптасуы тәуелсіз Қазақстанның даму тарихымен тығыз байланысты екенін атап өтті. Көптеген өзгерістерге ұшырағаннан кейін, соңғы 30 жыл ішінде елімізде азаматтардың құқықтары мен бостандықтарын қорғайтын, қоғамдық қауіпсіздік пен құқықтық тәртіпті қамтамасыз ететін қуатты құрылым қалыптасты.
Полицейлердің қажырлы және өзіне сенімді еңбегінің арқасында жыл сайын қылмыстық құқық бұзушылықтардың, оның ішінде ауыр қылмыстардың саны азаюда, - деп атап өтті аудан басшысы. Өз кезегінде Қ.Мыржақыпов мемлекеттік қызметкерлер халықтың олардан кәсібилікті, адалдықты, заңдылықты сөзсіз сақтауды күтетінін ұмытпауы керек деп қосты.Әрбір мемлекеттік қызметші бірыңғай мемлекеттік саясаттың жолсерігі болып табылады, өйткені оған халық үшін қызмет ету, патриотизмнің, адалдық пен сатылмаушылықтың эталоны болу сияқты ерекше миссия жүктелген.
Қызмет қорытындысы бойынша жоғары көрсеткіштері үшін полиция бөлімінің ерекше көзге түскен қызметкерлеріне және мемлекеттік қызметшілерге салтанатты түрде құрмет грамоталары мен алғыс хаттар табыс етілді.Қатысушылар ішкі істер органдары мен мемлекеттік қызмет ардагерлеріне гүл шоқтарын қойып, қошемет көрсетті.Концерттік бағдарлама көрермендерді жағымды эмоциялармен және позитивтілікпен қуантты. Жалпы мерекелік іс-шараның лейтмотиві-Қазақстан жеріне бейбітшілік тілеу болды.