Наурыз мейрамына арналған аспаздық байқау.

Наурыз мейрамын мерекелеу қарсаңында 16 наурыз күні аудандық мәдениет үйінде ауданның әлеуметтік сала ұйымдары арасында "Туған жердің ұмытылған дәмі"атты қазақ тағамдарының аспаздық байқауы өтті. Байқаудың басты мақсаты: ұлттық тағамдарды дәріптеу, ұлттық аспаздық дәстүрлерді сақтау. Шараны ұйымдастырушы "Бейімбет Майлин ауданы әкімдігінің мәдениет және тілдерді дамыту бөлімі"мемлекеттік мекемесі.7 команда, оның ішінде мектептер, кітапханалар мен клубтар жүлделі орындар үшін шайқасты. Командалар қазылар алқасына үш қазақ тағамдарын ұсынды. "Варваринское" АҚ бас серіктесі байқауының жалпы жүлде қоры – 1 000 000 теңге. Әр тағам мен мәзірді комиссия 5 балдық жүйе бойынша бағалады.Қазылар алқасы тағамның сыртқы түрін, дәмін, көрсетілім деңгейін және тағам ұсынудағы шығармашылық тәсілді бағалады. Гастрономиялық сайыс қорытындысы бойынша Николаев мектебінің "Дәстүр" командасы 300 мың теңге ұтып алды, Елубай Өмірзақов атындағы аудандық мәдениет үйінің командасы екінші орын және 200 мың теңге ұтып алды, №1 Тобыл мектебінің ұжымы үшінші орынға 150 мың теңге жүлде иеленді.