Отанға арналған викторина

19 қараша күні Елубай Өмірзақов атындағы аудандық мәдениет үйінде егеменді Қазақстанның тарихын, географиясын, мәдениетін зерделеу арқылы патриотизмге тәрбиелеу, белсенді азаматтық ұстанымды дамыту мақсатында "Елім деп соғады жүрегім" викторинасы өтті. Іс-шара "Рухани жаңғыру" бағдарламасы аясында және ел Тәуелсіздігінің 30 жылдығына арналған.
Мәдениет үйінің қызметкерлері Сапар Ерғалиев атындағы жалпы білім беретін мектеп оқушылары үшін танымдық кездесу ұйымдастырды.
Іс-шара барысында балаларға 30 жылдық кезеңдегі Қазақстан Республикасы Тәуелсіздігінің жетістіктері, сондай – ақ мемлекеттің тарихы, тәуелсіздік жағдайындағы елдің даму стратегиясы, Қазақстанның Тұңғыш Президенті-Елбасы Нұрсұлтан Назарбаевтың тәуелсіз мемлекеттің қалыптасуы мен дамуындағы сіңірген еңбектері туралы айтылды.
Викторинаны ұйымдастырушылардың бірі Таңатқан Жүрсін оқушыларға өз сөзінде: "еліміздің балалары мен жастары үшін білім мен ғылымда өзін-өзі жүзеге асыру үшін үлкен мүмкіндіктер жасалған. Біздің еліміз әлемдік өркениеттің дамуына өз үлесін қосуға қабілетті бәсекеге қабілетті ел екенін дәлелдеді. Біздің ең қымбат игілігіміз – Тәуелсіздігімізді сақтау сіздердің міндеттеріңіз және болашақ жастардың міндеті болып табылады. Ал сіздің дамуыңыз үшін барлық қажетті жағдайлар жасалған".
Одан әрі балалар викторинаға белсенді қатысты. "Қыран" және "Тұлпар" екі командаға бөлініп, Қазақстан Республикасының Тәуелсіздігіне, елдің қалыптасуына үлес қосқан батыр - тұлғаларға қатысты сұрақтарға жауап берді. Сондай-ақ тарих, география және музыка саласындағы білімдерін көрсетті.
Ұйымдастырушылар атап өткендей, олар балалардың қызығушылығын оятып қана қоймай, викторина балаларға танымдық қабілеттерін көрсетуге және дамытуға, ой-өрісін кеңейтуге, оқушылардың адамгершілік тәрбиесіне, командада жұмыс істей білу есебінен әлеуметтік-коммуникативтік дағдыларын қалыптастыруға ықпал етуге көмектесті. Кездесу қорытындысы бойынша жеңімпаздар мен жеңілгендер болған жоқ. Екі команда да мәдениет үйінің грамоталарымен марапатталды.