5 қараша күні аудан орталығында ауыл шаруашылық қызметкері күніне арналған салтанатты іс-шара өтті. Өңірдің үздік аграршылары мерейтойлық медальдар, құрмет грамоталары мен алғыс хаттар алды. Дәстүр бойынша жиналыс алдында ауданда өсірілген ауыл шаруашылығы өнімдерін және жеміс-көкөніс өнімдерінің көрмесі өтті. Ауыл шаруашылығы бөлімінің басшысы Сергей Каргачинский жыл қорытындысы және ауданның АӨК жетістіктері бойынша болжамды деректер туралы хабарлады. Мерекелік шара барысында жиналғандарды "Қостанай облысы әкімдігінің ауыл шаруашылығы және жер қатынастары басқармасы" ММ басшысы Тимур Бисимбаев құттықтады. Облыс әкімінің атынан ол "Асар – 07 "ЖШС комбайнері Владимир Трофимов пен "Сұлу» ЖШС агрономы Сергей Сальникті құрмет грамоталарымен марапаттады. Аудан әкімі Қайсар Мыржақыпов қатысушыларды мерекемен құттықтады "Бұл күні біз ауыл шаруашылығына деген адалдығын дәлелдеген және агроөнеркәсіптік кешен жетістіктерінің негізін қалаған ауыл шаруашылығы өндірісінің ардагерлеріне құрмет көрсетеміз және алғыс айтамыз. Біздің ауданда еңбек өнімділігін және қайта өңделген ауыл шаруашылығы өнімінің экспортын арттыру бойынша үлкен жұмыстар атқарылуда. Біздің тәжірибелі басшыларымыз, комбайнерлер, тракторшылар, жүргізушілер мен фермерлер 80,5 мың тонна дәнді және майлы дақылдарды жинады. Ауыл шаруашылығының жалпы өнімінің көлемі жыл басынан бастап алдын ала есептеулер бойынша 21 млрд.805 млн. теңгені құрады немесе 2020 жылғы деңгейге қарағанда өсім 115% - ды құрайды.- деп атап өтті аймақ басшысы. "Бейімбет Майлин ауданына 85 жыл" мерейтойлық медальдарымен еңбек ардагерлері Д.Әлімбаев, А. Пирог, "Сұлу" ЖШС басқарушы агрономы О. Яицкий және "Мечта – 98" ЖШС директоры В. Кравчук марапатталды. Ауданның 30-дан астам шаруалары аудан әкімінің құрмет грамоталары мен алғыс хаттарына ие болды.
Салтанатты іс-шара аудандық Мәдениет үйі қызметкерлерінің және Қостанай, Лисаков қалаларынан және Қамысты ауданынан шақырылған әртістердің мерекелік концертімен аяқталды.
