Мейірімділік пен құрмет күні

Күзгі күнтізбеде жүректің терең ризашылық сезіміне толы ерекше күн бар, сіз алғыс айтқыңыз келгенде, адамдарға ерекше сезімтал және мұқият болғыңыз келсе - бұл аға буын адамдарын Құрметтеу күні.
Бұл күні 1 қазанда қалыптасқан дәстүр бойынша ауданның қарт адамдары Елубай Өмірзақов атындағы аудандық мәдениет үйіне «Қарттарым – асыл қазынам» атты концерттік бағдарламаға шақырылды.
Іс-шара алдында қонақтар «Біздің қолымыз зерігу үшін емес» атты қолдан жасалған көрмемен танысты. Май, Калинин, Асенкритов ауылдық округтері мен Әйет ауылының зейнеткерлері тоқылған бұйымдарды, әдемі орамалдар мен шәлі, селдір майлықтар, дастархан, суреттер мен өз бақтарының жемістерін ұсынды.
Жылы құттықтаумен және тілектерімен аудан әкімі сөз сөйледі. Қайсар Мыржақыпов ауданның ардагер белсенділері: Асенкритов ауылдық округінің ардагерлер кеңесінің төрағасы Николай Петрович Ионенконы, Красносельск ауылының тұрғыны Калерия Александровна Мельникованы, теміржол ардагері Мунайтпас Батырбекович Қашқымбаевты, Набережный ауылдық округінің тұрғыны Людмила Григорьевнаны және Қайындыкөл ауылының тұрғыны Дидык Владимир Степановичті алғыс хаттармен марапаттады.
Сондай-ақ, қатысушыларды аудандық Ардагерлер кеңесінің төрайымы Раиса Овчарова құттықтады. Концерт барысында қарт адамдар шын жүректен денсаулық, жақсы көңіл-күй және ұзақ өмір тілектерін тыңдады. АМҮ шығармашылық ұжымдары мен солистері өз өнерлерімен қуантты. Олардың орындауында әр жылдардағы танымал әндер мен аспаптық композициялар орындалды.