Егер жаның қартаймаса, онда жас кедергі емес.

28 қыркүйек күні Елубай Өмірзақов атындағы аудандық мәдениет үйінде бірнеше мерекелік күндер аталып өтті. Кездесуді аудандық орталық кітапхана және аудандық мәдениет үйі ұйымдастырды.
Өткен Еңбек күні мен алдағы Мұғалімдер күні, сондай-ақ қарттар күні іс-шараға қатысушы 20 зейнеткерді біріктірді. Қатысушыларды әлеуметтік мәселелер жөніндегі әкімнің орынбасары Назгүл Манасова құттықтады. Ол аға буынның аудан дамуы мен жастарды тәрбиелеудегі үлкен рөлін атап өтті. Сондай-ақ, көрмеде өз жұмыстарын ұсынған Әйет және Майское ауылдарының тұрғындары: Биянова Ангелина Захаровна, Горбатенко Валентина Степановна, Жигалина Татьяна Семеновна, Хуторная Александр Максимович және Седых Людмила Васильевна әкім орынбасарының алғыс хаттарымен марапатталды. Ардагерлерді Nur Otan партиясы аудандық филиалы төрағасының орынбасары Жанна Калимова және аудандық ардагерлер кеңесінің төрайымы Раиса Овчарова құттықтады.
Ұйымдастырушылар "Алтын жас" деп атаған мерекелік бағдарлама кезінде залда жылы және жайдарлы атмосфера болды. Бұл күні іс-шараның жүргізушілері Зәмзәгүл Балғабаева мен Айман Зыбалева аға ұрпаққа ерекше алғыс білдірді. Қатысушылар тек бір-бірімен ғана аралыс қоймай, сондай-ақ олар жұмбақтарды үлкен қызығушылықпен шешіп, викториналар мен конкурстарға қатысты. Қатысушылар мәдениет үйінің қызметкерлері орындаған көңілді әндерге би биледі. Осылайша, егер жаның қартаймаса, онда жас кедергі емес екенін тағы бір рет дәлелдеді. Мереке рухани және мейірімді болды. Бұл туралы мереке қонақтарынан айтылған алғыс сөздер айғақтады.