Сәуекенов Бақытжан Дәуренұлы

Сауекенов Бақытжан Дәуренұлы-Қазақстан Республикасының еңбек сіңірген мәдениет қызметкері,Қостанай облысы композиторлар Одағының мүшесі. «Юбилейный» мәдениет үйінің музыкалық жетекшісі. Бақытжан Дәуренұлы Саудекенов музыкалық өнер мен қазақ халық шығармашылығын белсенді насихаттаушы. Бақытжан Дәуренұлы Сәуекеновтің бастамасымен 2002 жылы «Домбыра сазы» қазақ халық аспаптар ансамблі құрылды, жасына қарамастан , бүгінгі күнге дейін жұмыс жасап келеді. Бақытжан Дәуренұлы ансамбельдің белсенді қатысушысы болып табылады. 2009 жылы «Домбыра сазы» ансамблі облыстық аспаптық ұжымдар байқауында 1 орын иегері атанды. 2010 жылы Б. Д. Сауекеновтың басшылығымен ансамбль «халық» атағын алды. Сондай-ақ, Бақытжан Дәуренұлының бастамасымен «Юбилейный» МҮ базасында 2008 жылы «Әжелер ансамблі» құрылды, ол да алғашқы қойылымнан бастап Меңдіқара көрермендерінің жүрегін жаулап алды және қазіргі уақытта үлкен жетістікке жетуде. Бақытжан Дәуренұлы бірнеше рет түрлі деңгейдегі грамоталармен және алғыс хаттармен марапатталған. 2024 жылы Қостанай қаласының 145 жылдығына арналған үздік шығармаға композиторлар байқауында 1 орын иегері атанды.