Мутанов Ғалымжан Тауқашұлы – орта дәрежелі, екінші санаттағы әдіскер. 1962 жылы 29 тамызда туған. Білімі арнайы орта. 1992 жылы Көкшетау қаласының Ақан Сері атындағы мәдени-ағарту училищесін тәмәмдаған. 01.06.2020 жылдағы еңбек өтілі 28 жыл 5 ай, осы қызметте 2006 жылдың қараша айынан бастап толық ставкада жұмыс істеп келеді. Ғалымжан Тауқашұлы өзіне сеніп тапсырған істі ыждағатпен орындайды. Аудан көлемінде өтетін мерекелік іс-шараларға белсене ат салысады. 2016 жылы ҚР Тәуелсіздігінің 25-жылдығына арналған аудандық «Бабалар сазы» термешілер байқауына қатысқаны үшін, 2017 жылы «Рухани жаңғыру» бағдарламасы аясында өткен «Сәлем,Меңдіқара!» жобасында өнер көрсетіп,аудан мәдениетінің дамуына зор үлес қосқаны үшін Меңдіқара ауданы әкімінің грамотасымен марапатталды., 2020 жылы Алтын Орданың 750-жылдығына арналған аудандық «Ұлы дала үні» қазақ ұлт-аспаптар шығармашылығы фестивалінде өнер көрсеткені үшін «Меңдіқара ауданы мәдениет және тілдерді дамыту» ММ грамотасымен марапатталды. Ағымдағы жылдың сәуір айында #біз біргеміз акциясы аясында онлайн жеке концертін берді.Сонымен қатар Ғалымжан Тауқашұлы халықтық «Подвиг» ардагерлер хорының көркемдік жетекшісі.
