«Халық – мемлекеттік биліктің қайнар көзі» деген тұжырым биліктің пайда болу және легитимациялану тетігін көрсетеді, алайда ол өз алдына жария биліктің ең жоғары, бастапқы және ажырамас қасиеті ретінде егемендіктің кімге тиесілі екені туралы мәселені толық ашпайды.

 

Егемендік өзінің құқықтық табиғаты бойынша мемлекеттік билікті жүзеге асыру фактісімен ғана шектелмейді. Ол – мемлекеттің өкілеттіктері, жария билік жүйесінің құрылымы және оны жүзеге асырудың шектері туындайтын бастапқы әрі құрылтайлық сапа.

 

Осы себепті егемендіктің иесі оған негізделіп құрылған субъектілермен сәйкес келмейді. Мемлекет пен оның органдары дербес егемендікке ие болмайды, олар тек халық атынан қабылданған Конституцияда белгіленген шектерде берілген егемен өкілеттіктерді ғана жүзеге асырады.