#REPOST @kineu.kz Біз сізді жақсы көреміз, құрметті ұстаз! 🎊Бүгін Қостанай инженерлік-экономикалық университетінде жүректерді ерекше кеш өтті.
✨80 жастың сеңгіріне шыққан Жеңіс-Нұры Мырзатайұлы өзінің мерейтойын мерекелік концертпен атап өтті. Жиынға әріптестері, шәкірттері мен түлектері бас қосты. Олар үшін Жеңіс-Нұры Мырзатайұлы - ұстаз ғана емес, бағыт-бағдар берген жан, өмір жолын айқындап көрсеткен шынайы тәлімгер.
🎤Мерейтой иесін «Ақ Дариға» және «Қостанайские зори» халықтық вокалдық ұжымдары ерекше ықыласпен құттықтады. Жеңіс-Нұры Мырзатайұлы бұл ұжымдардың қатарында ширек ғасырдан астам уақыт бойы өнер көрсетіп келеді.🪗
🎉Сахнада туған күн иесі өзі де шығып, жастық шаққа қайта оралғандай:
– Ай-хай, 25! – деп ән шырқап, бүкіл залды көтеріңкі көңіл күйге бөледі.
💫Халықтық «Казачья доля» ансамблі де мерейтой иесіне арнап музыкалық сыйын ұсынды.
🤗Университет ректоры Жеңіс-Нұры Мырзатайұлына алғыс хат табыстап, оның ұзақ жылғы еңбегіне, білім саласын дамытуға қосқан өлшеусіз үлесіне ерекше құрмет білдірді.
🥳Жылы лебіздер студенттер мен әр буын түлектерінен де ақтарылып жатты. Олар сахнаға құр қол емес, жүрекжарды тілектерімен, шағын сыйлықтарымен шығып, ұстаздарына деген ризашылықтарын жеткізді.
⚜️Осылайша Жеңіс-Нұры Мырзатайұлы өзінің 80-жылдық мерейтойын көтеріңкі көңілде, жігерлі күйде, ең бастысы - шәкірттері, әріптестері және жақындарының шынайы сүйіспеншілігі мен құрметінің ортасында атап өтті.
❤️Сахна төрінде айтылған ең маңызды сөз:
“Біз сізді жақсы көреміз, құрметті ұстаз!”
⬇️⬇️⬇️
