#Repost @qostanai_tany • • • • • • ✨ Міржақып Дулатұлына еңселі ескерткіш орнатылды
20 қыркүйек күні Қостанай қаласында қазақ руханияты мен азаттық жолындағы күрестің символына айналған Міржақып Дулатұлының 140 жылдығына арналған еңселі ескерткіш ашылды.
Салтанатты рәсімге Мәжіліс төрағасы Ерлан Қошанов қатысып, Мемлекет басшысы Қасым-Жомарт Тоқаевтың құттықтау хатын оқып берді. Президент өз сөзінде Міржақыптың:
• ұлт санасын оятуға,
• жастарды білімге үндеп, өнерге жетелеуге,
• әдебиетті жаңа деңгейге көтеруге қосқан өлшеусіз үлесін атап өтті.
Іс-шараға Қостанай облысының әкімі Құмар Ақсақалов, Мәжіліс депутаттары, зиялы қауым өкілдері мен жергілікті жұртшылық қатысты. Сондай-ақ Халық жазушысы Төлен Әбдік пен қайраткердің жиені Ерлан Сатыбалдиев сөз сөйлеп, Міржақып рухына тағзым етті.
⚜️ Мерейтой аясында:
– Торғай жерінде «Ұлы дала жорығы» халықаралық ат марафоны басталды (500 шақырымдық бәйге);
– міржақыптануға арналған ғылыми конференция;
– республикалық айтыс өтеді.
Бұл – мемлекеттің де, ұлттың да Алаш арысына берген бағасы.
Ерлан Қошанов өз сөзінде:
«Біздің бүгінгі мақсатымыз – Әділетті, Қуатты, Таза және Қауіпсіз Қазақстанды құру. Бұл – кешегі Алаш арыстарының да, бүгінгі біздің де арманымыз» – деді.
🌿 Міржақып Дулатұлы – халықтың жүрегінде мәңгі жасайтын тұлға.
