Біз әр жобаны мұқият ойластырып содан кейін бірнеше талқылаудан өткіздік. Оларды жүзеге асыруға қомақты қаржы бөлінді: орталық саябақты жаңартуға 125 миллион теңге бөлініп, онда брусчатка ауыстырылды, жаңа жарықтандыру және автоматты суару жүйесі орнатылды. Бұл қаражат “Шағала”жағажайы мен Триатлон саябағын абаттандыруға да жұмсалды. Сондай-ақ, біртұтас жағалау жасауға 2 млрд теңге бөлінді. «Юбилейный» ықшамауданындағы дене шынықтыру-сауықтыру кешенінің құрылысына ерекше көңіл бөлінуде. Бұл екі қабатты ғимарат, ауданы 2236,4 ш.м. 100 адамның бір мезгілде келуіне арналған. Жалпы, биыл өңірді абаттандыруға 11 миллиард теңгеден астам қаржы бөлінсе, оның 975 миллионы абаттандыруға бөлінген. Тұрғындардың бірлескен күш-жігерінің арқасында 121 рұқсат етілмеген қоқыс алаңдары жойылып, 326 саябақ абаттандырылып, 52,9 мың түп ағаш отырғызылды. «Таза Қазақстан» бағдарламасы таза және жасыл аймақ құру бойынша бірлескен іс-қимылдың тиімділігін айқын көрсетеді.