Аудандық мәдениет үйінде 27- ші сәуір күні Қазақстан Республикасы Тәуелсіздігінің 30-жылдығында өткелі отырғын және қазақтың  аса көрнекті ағартушы-педагог, этнограф-жазушы, қоғам қайраткері,ұлы  кемеңгер ұстаз Ыбырай Алтынсариннің 180-жылдығына арналған «Рухани жаңғыру» бағдарламасының «Ұлы даланың – ұлы тұлғалар»  арнайы жобасы аясындағы   аудандық «Өнер - білім бар жұрттар» атты көркем сөз оқу шеберлігі  сайысы  өткен болатын. Байқауға Обаған, Силантьев, Б.Чураков,Димитров, Щербаков, Краснокордон, О.Шипин ауылының мектеп оқушылары бақ сынасты. Үздік деген оқушыларды таңдау үшін қазылар алқасының мүшесі болып, «Алтынсарин ауданы әкімдігінің  ішкі саясат, мәдениет және тілдерді дамыту бөлімі» ММ басшысының м.а. Трумжанова А.Ш., «Алтынсарин ауданы әкімдігінің тілдерді дамыту орталығы» КММ директорының м.а. Каналина Гаухар Мырзабайқызы және Аудандық мәдениет үйі директорының м.а Оспанов Б.С. отырды.  Байқауға жалпы 23 оқушы қатысты. Жүзден жүйрік, мыңнан тұлпар болып, суырылып  шыққан 3 оқушы жеңімпаз атанды. Олар Обаған жалпы білім беретін мектебінің оқушысы Жолдыбек Дариға 3 орын иегері, Димитров жалпы білім беретін мектебінің оқушысы Найпак Анжела 2 орын иегері және 1 орынды өз қанжығасына  байлаған О.Шипин атындағы жалпы білім беретін мектебінің оқушысы Қабылбек Мадина болды. Барлық қатысушыларға қатысқандары үшін диплом беріліп, ал жеңімпаздарға ақщалай сыйлықтармен марапаттады. Сонымен қоса байқауға дайындаған тәлімгерлерінде алғыс хатпен марапаттады. Аудандық «Өнер-білім бар жұрттар» байқауына қатысқан барлық қатысушыларға алғыс білдіріп, жеңістерімен шын жүректен құттықтаймыз!