«Салық өлген» күйі күйші шығармашылығының шарықтау шыңының бірі. Дəулеткерей өзінің жиені, Қарауылқожадан туған Салық Бажановтың мезгілсіз өліміне орай шығарылған. Салық өте білімді, парасатты, болашағынан зор үміт күттіретін үлкен азамат болатын. Мұнда асқан жылылық, шын жүректен шыққан жақындық, жанашырлық үн айқын сезіледі. Əкесіне (Қарақожа) деген ашу-ыза қандай зор болса, баласына деген құрмет пен сый-сияпат сондай күшті болғандықтан, күйші сол кездің прогрессивті адамы Салық Бабажановқа күй арнады. Ол Орынбордың кадет корпусын бітіріп, елге келіп Уақытша Кеңесте істеп жүрген кезінде, шаруалардың қамқоры болып əкімдермен біраз таласты. Ал Петерборға барғанда тоқыма өндірісі, тағы басқа жаңалықтармен танысып, соларды қазақ даласына алып келуді арман етті. Бірақ жас талапкердің өмірі ұзақ болмады. Дəулеткерей мезгілсіз қайтыс болған жақынына арнап азалы, қайғылы күй шығарады.
Әсерлеу жағынан байытылмаған болса да, бұл күй өзінің психологиялық өткірлігімен тыңдаушыларын баурап алады. Басынан аяғына дейін бір ырғақтағы күй әуені үлкен жүректен шыққан қайғы-қазаны анық көрсетеді.
