«Қазақтың дәстүрлі 1000 күйі» айдары Халық күйі «Қос келіншек» - орындаған Хұсайын Малшыбайұлы
17.06.2020
1335
0
Ақпаратты достарыңызбен сілтеме арқылы бөлісіңіз:
Қос келіншек
(Халық күйі)
Күйдің аңызы: Хұсайын күйшінің айтуымен жазылған. «Баяғыда бір байдың егіз ұлы болыпты. Ұлдары ер жетіп кәмелетке толғанда бай: «Шіркін осы екі ұлымды өздері сияқты біреудің егіз қызына үйлендірсем», - деп армандайды екен.
Арман мен қиял жетегіне бой ұрған бай ақыры: «Үмітсіз шайтан деген, не болса да іздеп көрейін» деп алыс жақын демей жан-жаққа іздеу салады. Көп ұзамай бір байдың өз ұлдарымен тұстас егіз қызы бар екенін естіп, сол баймен құдаласады. Екі бай ризалықпен егіз балаларын үйрендіріп, екі рулы ел болып үлкен той жасайды.
Ол кез жаугершілік заман екен. Осы елге күтпеген жерден жау шауып, ер азаматтарын өлтіріп, мал-мүлкін олжалайды. Жас келіншектерді байлап, матап, тұтқындап алып кетеді.
Өмірі қиыншылық көрмей, үлде мен бүлдеге оранып, еркін өскен (егіз келіншектің) қапаланып, жау қолынан қаза тапқан егіз жарын, ата-анасын, туыс-туғанын жоқтаған зары «Қос келіншек» күйі болып қалған екен.
