«Қазақтың дәстүрлі 1000 күйі» айдары Халық күйі «Кербез қыз» - орындаған Хұсайын Малшыбайұлы
12.06.2020
1730
0
Ақпаратты достарыңызбен сілтеме арқылы бөлісіңіз:
КЕРБЕЗ ҚЫЗ
(халық күйі)
Күйдің аңызы: «Үш ұлы, бір қызы бар бай ұлдарын өз-өз теңдерімен үйлендіреді. Ал қызының сылтымасы бар екен. Онысына қарамай байлығына мастанып, өзі теңдес жігіттерді менсінбей жігіт таңдаумен отырып, жасының ұлғайғанын аңғармай қалады. Жасы егделеп отырып қалған қыз енді жігіт таңдауды былай қойып, өзіне сөйлесетін жігітке зар болады.
Боз бала кезінде осы қызға сөйлесіп: «Сен менің теңім емессің» деген сөзін естіген бір күйші жігіт ел аралап өзіне өмірлік жар болар деген бір сұлу қызға үйленеді.
Бала сүйіп отбасылық бақытына кенелген шағында, баяғы жігіт таңдайтын қыздың ауылына келсе, жасы егделеп, денесі толысқан, сылтымасы ұлғайып, тұрмысқа шыға алмай, кәрі қыз атанып отырып қалғанын көреді.
«Асқанға тосқан» деген осы екен-ау. Кербез-ақ қыз болған екенсің», - деп кекетіп шығып кетеді. Бір кезде өзіне жан теңемей жігіт таңдаған ақсақ қыздың кәзіргі мешеу халіне арнап күйші жігіт осы кекесінмен «Кербез қыз» күйін шығарған екен (Аңызды жеткізуші Хұсайын күйші)».
