БАСПАСӨЗ РЕЛИЗІ

Бейімбет Майлиннің 130 жылдығына арналған
«Бейімбеттің биігі» атты облыстық ақындар айтысы

Өтетін уақыты: 2024 жыл, 15 қараша, 15:00-де.
Өтетін орны: Б.Майлин ауданы, Е.Өмірзақов атындағы Мәдениет үйі

15 қарашада Қостанай облысының Б.Майлин ауданында атақты қаламгердің мерейтойына орай «Бейімбеттің биігі» атты облыстық ақындар айтысы өтеді. Бұл шараға облыс көлемінде кеңінен танылған, шебер ақындар қатысып, өзара өнер жарысына түседі.

Айтыстың мақсаты:
Атақты жазушы, ақын, қазақ әдебиетінің қалыптасуына зор үлес қосқан Бейімбет Майлиннің 130 жылдығына орай, оның шығармашылық мұрасын дәріптеп, өскелең ұрпаққа ұлттық мәдениетті насихаттау. Майлиннің әдебиеттегі орны, өмір жолындағы адалдық пен әділдікке ұмтылысы қазақ халқына рухани мұра болып қалды. Шара барысында ақынның өмірі мен шығармашылығының маңыздылығы еске түсіріліп, оның ұрпаққа үлгі етерлік мұрасы жас таланттардың шығармашылығына шабыт бермек.

Іс-шараны ұйымдастырушы:
«Қостанай облысы әкімдігінің мәдениет басқармасы» ММ;

Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК;

«Бейімбет Майлин ауданы мәдениет және тілдерді дамыту бөлімі» ММ.

Облыстың электрондық және баспа БАҚ журналистерін осы іс-шараға қатысып, ақпараттық қолдау көрсетуге шақырамыз.

Қосымша ақпарат алу үшін мына байланыс нөміріне хабарласуға болады:
тел.: +7 /7142/ 560-129
email: hsb@ocsnt.kz