Қазақстан Республикасы Тәуелсіздігінің 30 жылдығына және Чернобыль АЭС апатының 35 жылдығына арналған «Мәңгілік ел» облыстық патриоттық әндер oнлайн байқауы
2021 жылдың 14-15 сәуір күні Қостанай облысы әкімдігі мәдениет басқармасының «Облыстық көркемөнерпаздардың халық шығармашылығы мен кинобейнеқор орталығының» ұйымдастыруымен Қазақстан Республикасы Тәуелсіздігінің 30 жылдығына және Чернобыль АЭС апатының 35 жылдығына арналған «Мәңгілік ел» облыстық патриоттық әндер oнлайн байқауы өтті.
Байқаудың мақсаты өскелең ұрпаққа патриоттық тәрбие беру; патриоттық әндерді насихаттау және танымал ету; патриоттық сезімді қалыптастыру; патриоттық әндерді орындаушыларды анықтау және қолдау; орындаушылық шеберлікті арттыру болып табылады.
Байқау 14 сәуірде әлеуметтік желідегі @culture_qostanai Instagram парақшасында жарияланды, қорытындысы 15 сәуірде шықты.
Байқауға Қостанай облысының аудан, қалаларынан 19 өнер ұжымдары қатысты.
Байқауды Қостанай облысы меценаттар клубы сыйлығының лауреаты, халықаралық конкурстардың қазылар алқасының мүшесі, Нұр-Сұлтан қаласындағы өнер мектебінің директоры Когай Наталья Вячеславовна, республикалық және халықаралық вокалдық конкурстардың жүлдегері, Қостанай облысы меценаттар сыйлығының лауреаты, Е. Өмірзақов атындағы облыстық филармониясының әншісі Санарова Галина Алексеевна, Халықаралық байқаулардың лауреаты, Қостанай меценаттар клубының «Қазына» сыйлығының лауреаты Мырзатаева Татьяна Яверовна бағалады.
Қазылар алқасының шешімі бойынша І орын – «Нұр» вокалдық тобы (Сарыкөл ауданы), ІІ орын – Жанна Таласпаева және Даяна Шағатаева дуэті (Қостанай ауданы), ІІІ орын – «Караван» дуэті (Қостанай қаласы).
Барлық жүлдегерлер дипломдармен және ақшалай сыйлықтармен марапатталды.
