БАС ЖҮЛДЕ – ЖӘКІШ ФАРХАДТА!

Екі күнге созылған І республикалық дәстүрлі ән байқауы мәресіне жетті.

Тақтақ ақынның 160 жылдығына арналған «Арқада Наушабайдың Нұржаны өткен...» өнер додасында Нұр-Сұлтан қаласының намысын қорғаған Фархад Жәкіш бас жүлдені тақымға басты.

Бүгін күндізгі 11.00-де, Қостанай ауданының қақ ортасындағы «Алтын дән» МҮ І республикалық дәстүрлі ән байқауының екінші кезеңі өтті. 15 қатысушы барын салып, сахнадан ән болып ақтарылды.

Түс ауа тақтақ ақынның рухын, шығармашылығын жаңғыртпаққа арналған аламанның нүктесі қойылды.
Қазақ өнерінің қанатын кең жайып, дамуына үлес қосқан, әрі байқауға қатысқаны үшін бірқатар өнерпаздарға арнайы диплом мен 20 мың теңгенің сертификаттары табысталды.

ІІІ орынға Назира Бейсенова (Көкшетау), Жанат Мінайдар (Қостанай ауданы) және Мәлібеков Сағынбай (Жезқазған) ие болып, 100 мың теңгеден ұтып алды.
Семейлік Мұқашев Таңат пен елорда намысын қорғаған Зекенов Ақылтай ІІ орыннан көрініп, 200 мың теңгеден жүлдеге ие болды.

Алматыдан келген Зарина Рахманбердиеваның өнері І орынға лайықты деп танылып, арнайы диплом мен 300 мың теңгенің сертификатын еншіледі.
Бабымен де, бағымен де басым болған Фархад Жәкіш (Нұр-Сұлтан) бас жүлдені ұтып алып, 500 мың теңгеге ие болды.

Посмотреть эту публикацию в Instagram

Екі күнге созылған І республикалық дәстүрлі ән байқауы мәресіне жетті. Тақтақ ақынның 160 жылдығына арналған «Арқада Наушабайдың Нұржаны өткен...» өнер додасында Нұр-Сұлтан қаласының намысын қорғаған Фархад Жәкіш бас жүлдені тақымға басты. Бүгін күндізгі 11.00-де, Қостанай ауданының қақ ортасындағы «Алтын дән» МҮ І республикалық дәстүрлі ән байқауының екінші кезеңі өтті. 15 қатысушы барын салып, сахнадан ән болып ақтарылды. Түс ауа тақтақ ақынның рухын, шығармашылығын жаңғыртпаққа арналған аламанның нүктесі қойылды. Қазақ өнерінің қанатын кең жайып, дамуына үлес қосқан, әрі байқауға қатысқаны үшін бірқатар өнерпаздарға арнайы диплом мен 20 мың теңгенің сертификаттары табысталды. ІІІ орынға Назира Бейсенова (Көкшетау), Жанат Мінайдар (Қостанай ауданы) және Мәлібеков Сағынбай (Жезқазған) ие болып, 100 мың теңгеден ұтып алды. Семейлік Мұқашев Таңат пен елорда намысын қорғаған Зекенов Ақылтай ІІІ орыннан көрініп, 200 мың теңгеден жүлдеге ие болды. Алматыдан келген Зарина Рахманбердиеваның өнері І орынға лайықты деп танылып, арнайы диплом мен 300 мың теңгенің сертификатын еншіледі. Бабымен де, бағымен де басым болған Фархад Жәкіш (Нұр-Сұлтан) бас жүлдені ұтып алып, 500 мың теңгеге ие болды.

Публикация от ocsnt.kz AQP.OBLYS MÚ PORTALY (@culture_qostanai) 17 Окт 2019 в 5:39 PDT