ҚР-нің Еңбек сіңірген мәдениет қызметкері, Қазақстан Композиторлар Одағының мүшесі, Қостанай қаласының және Амангелді ауданының құрметті азаматы, әнші-композитор Қалибек Деріпсалдин атындағы «Көктем – қыздар» атты республикалық әншілер байқауы өз мәресіне жетті

Өнер додасының басты мақсаты – Қалибек Деріпсалдиннің шығармашылығын насихаттау, қазақ ән өнерін дамыту, жас орындаушылардың шығармашылық қабілетін шыңдап, ұлттық музыкаға деген қызығушылығын арттыру.

Байқауға еліміздің әр өңірінен талантты жас әншілер қатысып, өз өнерлерін ортаға салды.

Байқау екі кезең бойынша өтті. Қатысушылар алғашқы кезеңде баян аспабының сүйемелдеуімен Қалибек Деріпсалдиннің бір әнін міндетті түрде орындаса, екінші кезеңде қазақ композиторларының таңдаулы әндерін шырқап, вокалдық шеберліктерін көрсетті.

Қазылар алқасы қатысушылардың орындаушылық мәдениетіне, дауыс ерекшелігіне, сахна мәдениетіне және шығарманы жеткізу шеберлігіне ерекше назар аударды. Байқау қорытындысы бойынша үздіктер анықталып, жеңімпаздар арнайы дипломдармен және бағалы сыйлықтармен марапатталды.

Жүлделі орындар төмендегідей бөлінді:

🏆 Бас жүлде — Бейсов Асылбек (Шымкент қаласы)

🥇 І орын — Қисатова Салтанат (Павлодар облысы)

🥈 ІІ орын — Қасымов Еркебұлан (Астана қаласы)

🥉 ІІІ орын — Әмірғазин Алмат (Ақмола облысы, Зеренді ауданы) және Молдабайұлы Таубай (Маңғыстау облысы)

Байқау барысында көрермендер Қалибек ағаның әндеріне қанығып, қазақ музыкасының бай мұрасын тағы бір мәрте сезінді. Өнерпаздардың орындауындағы сырлы әндер кештің көркін қыздырып, рухани әсер сыйлады.

View this post on Instagram