Аталған іс-шараға облысымыздың аудан, қалаларындағы мәдениет үйлерінің жанынан құрылған 8 әжелер ансамблі қатысты.

Олар қазақтың халық әндерін, отандық композиторлардың шығармаларын және жергілікті сазгерлердің туындыларын орындап, көрермен жүрегінен орын алды.

Фестивальдің тағы бір ерекшелігі – ансамбль жетекшілері. Олар – зейнет жастағы аналарымызды өнер сахнасына бейімдеп, ән айтуға баулып жүрген жандар. Қазақтың дәстүрлі әнін, ұлттық өнерін құрметтеп, оны ұрпақтан ұрпаққа жеткізу жолында еңбек етіп жүрген осы жетекшілердің еңбегі зор. Олар арқылы ұлттық рух пен өнердің діңгегі саналатын әжелеріміздің үні қайта жаңғырып, сахнада жаңаша сипат алды.
 

Фестиваль соңында өнер көрсеткен барлық ұжымдарға Алғыс хаттар табысталды. Бұл шара – үлкенге құрмет, өнерге тағзым, ұлттық мұраға деген шынайы сүйіспеншіліктің әдемі бір көрінісі болды.