Фестиваль облысымызда 3 мәрте республикалық байқау болып өтіп келсе, биыл бірінші рет республикалық деңгейдегі фестиваль ретінде өтіп жатыр. 

 

Фестивальдің ашылуында облыс әкімінің орынбасары Ринат Мұхаметқали келіп, ақ тілегін білдіріп, құттықтады. 

 

Тобыл-Торғай төрінде жыл сайын дәстүрлі түрде жыр шеруі өтуі заңдылық. Белгілі жырау Алмасбек Алматов ағамыз бастап, жырдан маржан шашуға келген бір топ жыршы, термешілерге астықты өлке Қостанайға қош келдіңіздер демекпін, ¬- деп баршаға сәттілік тіледі. 

 

Фестивальге еліміздің әр өңірінің 5 мектебінен келген 8 өнерпаз, танымал таланттар өнер көрсетуде. 

 

Фестиваль талабы бойынша жыршылар екі шығарма орындаса, оның біріншісі міндетті түрде Н.Наушабайұлының шығармасы болса, екіншісі өз мектебінің бір әні болуы тиісті. 

 

Жыл сайын өтіп жүрген бұл іс-шарамызға дәстүрлі түрде келіп қолдау білдіріп жүрген белгілі жырау, ҚР мәдениет қайраткері – Алмасбек Алматов ағамыз келіп отыр. Онымен қатар Жетісу мектебінің өкілі Ерболат Шалдыбеков, Ақтөбе қаласынан, батыс аймағының махамдарын насихаттаушы, « Ер Едіге» мектебінің ұстазы Әділбек Сарин, Орал қаласынан Фархад Оразов, 2019 жылы өткен байқауда жеңімпазы атанған Фархат Жәкіш және 2021 жылғы байқаудың жеңімпазы, қазіргі күні Түркияда білімін жалғастырып жүрген Мәлика Алдамжарова да арнайы келді. Ал өңірден екі өнерпаз қатысады. Бірі ардагер жыршы - Монтай Өтепбаев, екіншісі республикалық термешілер байқауының жүлдегері - Абзал Алпыс.