Екі күнге созылған облыстық «Алтын микрофон – 2023» ән байқауы да өз мәресіне жетті. Бақ сынаған жас толқын әншілер өздерін танытып, бар өнерлерін ортаға салды. Қатысушыларға қазылар алқасы әділ бағасын беріп, алдағы халықаралық байқауда елімізді танытып, биіктерден көрсететініне сенім білдіріп, таудай талаппен сәттілік тіледі.
Қазылар алқасының қатарында:
Бақтығалиева Әлия Қайратқызы – Қостанай педагогикалық колледжінің музыка пәні оқытушысы.
Мүсәпірова Алуа Маратқызы – Рудный музыкалық колледжінің музыка пәнінің оқытушысы, Е.Өмірзақов атындағы Қостанай облыстық филармонияның солисті, халықаралық байқаулардың жүлегері.
Қазылар алқасының төрайымы Абдулина Гүлбану Сұлтанқызы – ҚР еңбек сіңірген қайраткері, халықаралық байқаулардың лауреаты, облыс әкімі сыйлығының, Қостанай меценаттар клубының «Қазына» сыйлығының иегері, Елубай Өмірзақов атындағы Қостанай облыстық филармониясының әншісі.
Әншілер 4 топта байқауға түскен болатын.
7-10 жас аралығындағы кіші топта
3 орын –Заковоротная Мария, Қостанай қаласы;
2 орын – Жұмаш Аяулым, Амангелді ауданы;
1 орын – Таубалды Нұржайна, Арқалық қаласы.
11-13 жас аралығындағы орта топта
3 орын – Түгел Сағындық, Қостанай қаласы;
2 орын – Токеш Наргиз, Қостанай қаласы;
1 орын – Бейсен Гүлназ, Амангелді ауданы.
14-17 жас аралығындағы жоғарғы топта:
3 орын – Едрес Әбілмансұр, Тобыл қаласы;
2 орын – Күдербекова Нұрай, Қостанай қаласы;
1 орын – Аюпова Ясмин, Жітіқара ауданы.
18-23 жас аралығындағы әншілер:
3 орын – Әлібек Қарлығаш, Науырзым ауданы;
2 орын – Бағдәулет Ермахан, Лисаков қаласы;
1 орын - Әнуарбеков Асан, Б.Майлин ауданы.
Барша жүлдегерлер 30, 40 және 50 мың теңге көлеміндегі ақшалай сыйлықпен Дипломға ие болып, халықаралық «Алтын микрофон – 2023» әншілер байқауына жолдама алды. Қалған қатысушылар қатысқаны үшін дипломмен марапатталды.
Байқаудың жоғары деңгейде өтуіне атсалысқан жандарға, қазылар алқасына, қалың көрерменге, аудан, қалалардан келген қатысушылар мен жетекшілеріне, қалалық «Мирас» мәдениет сарайының әкімшілігіне және кешті берекесін келтіріп жүргізген Жұматай Ахметхан, Гүлнұр Қайсарова мен Диана Әбжановаға айтар алғысымыз шексіз.
Байқауды ұйымдастырған Облыстық көркемөнерпаздардың халық шығармашылығы мен кинобейнеқор орталығы, басшысы – Дәмер Қалқаев.
Байқауымызға қатысқан барша әншілерге тек қана сәттілік тілейміз. Бұданда үлкен додалардың шыңынан көреміз деген үміттеміз.
