«ЖЫЛ ТАҢДАУЫ - 2022» - СЕРІК АЛПЫСОВ

Желтоқсанның 4 ші жұлдызында Алматы төрінде MuzLife және Zhuldyz TV музыкалық телеарнасының ұйымдастыруымен «ЖЫЛ ТАҢДАУЫ - 2022» телевизиялық түсірілім-байқауы өтті. Оған Қазақстанның түкпір-түкпірінен қазақ еліне ән сыйлап жүрген өнерпаздар қатысты.

Барлығы жеке авторлық жазылған өз әндерін орындап, экран алдында өнерлерін паш етіп, қырағы көрермен мен Республикалық Zhuldyz TV телеарнасының жыл қорытындысы деп арнап берген номинацияларға ие болды.

Жыл қорытындысы болғандықтан әрбір әншінің инстаграм парақшаларын зерделеп тексеріп, бағалай отыра, әншілердің жыл бойы өнерге қандай бағытта қызмет жасағанын анықтап, өз бағаларын берді. Оның ішінде өзіміздің Алтынсарин аудандық Мәдениет үйінің директоры, ақын, термеші, әншісі Серік Алпысовта өз өнерін, өз әнін Алматы төрінде орындап келді. Республикалық арнаның түсіріліміне қатысып елге абыроймен оралды. Республикалық Zhuldyz TV арнасы Серік Алпысовтың Қассақ тобымен орындаған әндерін және де ұлт ұстазы Ахмет Байтұрсынұлы атамыздың 150 жылдығына арнап жазылған поэмаларын тыңдап, олардың ел арасында кеңінен таралып, елдің ыстық ықыласына бөленіп жүргендігін көріп, рухани ерекше бағытты жанр деп Серік Алпысовқа «ЭТНО ӘНШІ» номинациясы мен MuzLife және Zhuldyz TV статуэткасы табысталды. Бала күннен ауылдан әнші болсам деп келген Серік үшін өнер ордасы Алматыдан мұндай сый алу үлкен қуаныш үлкен жетістік.