Қостанай ауданында өтіп жатқан Нұржан Наушабайұлы атындағы «Арқада Наушабайдың Нұржаны өткен...» ІІІ республикалық жыр-терме, дәстүрлі ән орындаушылар байқауы өз мәресіне жетті. Екі күн бойы өткен өнер додасы өз жеңімпаздарын тапты.
Нұржан бабамыздың кемел мазмұнды әндерін, жырларын жаңғыртқан өнерпаздар елдің әр түкпірінен келген еді. Қазылар алқасы өнерлерін саралап, әділ бағасын берді. Қазылар алқасының құрамында:
Астана қаласынан келіп отырған белгілі жыршы, жырау, домбырашы, фольклор зерттеушісі, профессор, Қазақстанның еңбек сіңірген қайраткері, Қазақстан білім беру ісінің Құрметті қызметкері – Алмасбек Алматов.
Қазақтың көрнекті ақыны, жазушы, драматург, көсемсөзші-журналист - Ақылбек Шаяхмет және Арқалық қаласы Дала өлкесі тарихы облыстық мұражайының қызметкері, айтысқер ақын Батырлан Сағынтаев бар екенін тағы бір мәрте еске сала кетейік.
Қазылар алқасының шешімімен:
Бас жүлде Арғынбек Бейбітхан (Қостанай облысы, Феборов ауданы) 700 мың теңге;
1 орын – Ұлдана Нұртуған (Астана қаласы) 500 мың теңге;
2 орын – Серік Айбат (Астана қаласы) 400 мың теңге;
3 орын – Елдос Жакиев (Қарағанды облысы, Шет ауданы, Талды ауылы) пен Айбике Таңатарова (Алматы қаласы) 300 мың теңге;
Өзге қатысқандар 70 мың теңгемен марапатталды.
Осы байқауға екі күн бойы төрелік еткен белгілі жыршы, жырау, домбырашы, фольклор зерттеушісі Алмасбек Алматовқа, ақын, жазушы, драматург, Ақылбек Шаяхметке және айтысқер ақын Батырлан Сағынтаевқа алғысымыз шексіз.
Байқаудың өтуіне қолдау білдірген Қостанай ауданының әкімдігіне, аудандық мәдениет бөліміне және «Алтын дән» мәдениет үйнің барша қызметкерлеріне, Н.Наушабаев атындағы гимназияның оқушылары мен ұстаздарына да ризашылығымызды білдіргіміз келеді.
