Қостанайда алғаш рет «Тобыл сазы» Қостанай композиторларының әндерін орындаушылардың облыстық вокалдық байқауы өтті.
Байқаудың мақсаты талантты жергiлiктi композиторлардың туындыларын қайта жандандыру, халыққа таныту; жастардың бойында патриоттық сезiм қалыптастыру; әншiлердiң орындаушылық шеберліктерін шыңдау.
Байқау шарты бойынша үміткерлер Тобыл-Торғай және өзге де қазақ композиторларының бiр-бір әнiн орындады.
Шараны облыстық көркемөнерпаздардың халық шығармашылығы мен кинобейнеқор орталығы мен облыстық «Композиторлар одағы» бірлесіп ұйымдастырды.
Үміткерлерді қазылар алқасының мүшелері бағалап, жеңімпазды анықтады. Қазылар құрамында:
Азамат Мұқатов,
Қостанай облыстық «Композиторлар одағы» қоғамдық бірлестіктің төрағасы, әнші, композитор, Қостанай облыстық Елубай Өмірзақов атындағы филармониясы Назымбек Молдахметов атындағы қазақ халық аспаптары оркестрінің әртісі.
Алуа Мүсапірова — Рудный музыкалық колледжінің вокал мұғалімі, Қостанай облысының Е.Өмірзақов атындағы филармонияның әншісі.
Әсел Тасмағанбет-Қостанай облысы Рудный қаласының мәдениет саласының үздігі. «Алые Паруса» ұйымының басшысы.
Байқау қорытындысы бойынша:
1-орын — Тасқын Әжібай, Федоров ауданы, 300 000 теңге.
2-орын — Азат Тобылұлы, Меңдіқара ауданы, 200 000 теңге.
3-орын — Нұриден Қабыкен, Қостанай ауданы, 150 000 теңге және Жаннұр Тұрмағанбет, Қостанай қаласы, 150 000 теңге.
Облыстық «Композиторлар одағы» қоғамдық бірлестігінің арнайы сыйлығын Фариза Бүркітбай, Жанкелді ауданы, 75 000 теңге.
Қалған қатысушылардың барлығы да қатысқаны үшін 50 000 теңге сыйақы алды.
Кештің өтуіне үлес қосқан Рудный қаласының әкімдігіне, қалалық мәдениет бөліміне және «Орбита» демалыс орталығы ұжымына айтар алғысымыз шексіз.
Dala FestАйтысАуыл тынысыАхмет Байтұрсынұлы – 150 жылДеген екенЕлге сәлемЖеңімпаздарЖыр маржанКездесулер мен презентацияларКонцертМарапаттауМәдени мұраРухани жаңғыруСаясатСағындырған әуендерТарих жебесіТеатр әлеміндеТобыл-Торғай әуендеріШығармашылық кешҚазақтың дәстүрлі 1000 күйіҚұттықтаймыз!Ән – көңілдің ажары
