ЯСМИНГЕ СӘТТІЛІК ТІЛЕЙМІЗ

9-14 тамыз аралығында «Baqytty Вala-2022» ашық балалар вокалдық фестиваль-байқауы өтеді.
Әлемнің 8 елінен келген 10-16 жас аралығындағы талантты 20 жасөспірім Ақтөбедегі Өнер орталығында бас жүлде үшін бақ сынайтын болады.

Посмотреть эту публикацию в Instagram

Публикация от www.ocsnt.kz (@culture_qostanai)

Baqytty Bala – Ақтөбе облысының брендіне айналған ерекше жоба. Іріктеу кезеңіне 200-ге жуық өтініш қабылданған. Ресей, Өзбекстан, Түркия, Украина, Польша, Испания, Румыния, Әзірбайжан, Армения, Болгария, Африка мемлекеттерінен және еліміздің барлық қалаларынан сайысқа қатысушы үміткерлердің өтініштері қабылданды. Қашықтықтан тыңдау нәтижесі бойынша тек 20 жеткіншек ақтық мәреге жолдама алған. Жас өнерпаздардың өнерін мәдениет саласының белгілі өкілдері бағалайтын болады. Осы 20 жасөспірімнің ішінде қостанайлық жас әнші Ясмин Аюпова да бар. Маңызы зор байқауға біздің жерлесіміздің қатысқалы жатқаны біз үшін мақтаныш. Байқаудың жүлде қоры - 3 млн 450 мың теңге.

Ясминді сапарға аттанар алдында тағы бір мәрте әзірлеп, шыңдап, дайындау үшін облыстық көркемөнерпаздардың халық шығармашылығы мен кинобейнеқор орталығы қаладағы «Арт студиясымен», осы студияның жетекшісі Айсұлу Тұтқышевамен келісе отырып, бірлесіп бірнеше дайындық сабақтарын өткізді. Бұл маңызды сапар алдында әнші қызымызға күш беріп, өнерін жетілдіре түсуге көмек болары сөзсіз.

Ясмин Жітіқара жерінің қызы. Бір бойында бірнеше өнер тоғысқан талантты қыз. үш жасынан бастап ән айтып, сахна төрінде жүрген Ясминді өнерге жетелеп, сенім берген әжесі екен. Ол өнерде ғана емес, спорт саласында да топ жарып жүрген бала.

Талайларды таңдай қақтырып жүрген талантты өренге сәттілік тілейміз.