Балалар жылына арналған облыстық «Бақытты балалық» атты авторлық әндердің онлайн байқауының ақпараты

Қостанай облысы әкімдігінің мәдениет басқармасының қолдауымен Қостанай облыстық көркемөнерпаздардың халық шығармашылығы мен кинобейнеқор орталығының ұйымдастыруымен Қостанай облыстық «Композиторлар Одағы» бірлесіп, Балалар жылына арналған жаңа жоба «Бақытты балалық» атты авторлық әндердің облыстық онлайн байқауы өтті.

Байқаудың өтінімдерін 1 - 20 мамыр аралығында қабылдаған болатын. Ал, онлайн байқаудың әділқазылары 21- 27 мамыр аралығында бағалады. Аталмыш байқауға 7 композитор-қатысушы, атап өтсек, Нұр-Сұлтан қаласынан Болат Молдашев, Қанат Едресов, Әулиекөл ауданынан Мұңлыбек Шығанбай, Қостанай ауданынан Қажымұрат Баймусин, Арысбек Бақдәулет, Қостанай қаласынан Жарқынбек Деріпсалдин, Нұргүл Сарбасова сынға түскен болатын.

Ереже бойынша әділқазылар алқасы төрағасы: әнші- композитор, Қостанай облыстық «Композиторлар одағы» ҚБ төрағасы Азамат Мұқатов, қазылар алқасының мүшелері: әнші-композитор, республикалық «Жас қанат» байқауының лауреаты, халықаралық «Азия дауысы» байқауының лауреаты Манарбек Байтасов, әнші-композитор, «Өнер» орталығының шығармашылық директоры Азамат Абдрахиев балалар әндеріне сүйеніп, бағаларын берді. Жоба ережесі бойынша әділқазылардың ортақ шешімімен 1 жеңімпаз анықталды. Жеңімпаздың есімі Нұр-Сұлтан қаласының тұрғыны, Қостанай облыстық «Композиторлар одағының» мүшесі, Қазақстан Авторлар қоғамының мүшесі, ақын, композитор – Қанат Едресов. Жеңімпаз бен алғыс хат иелерін бүгін, яғни 1 маусым «Халықаралық балаларды қорғау» күніне байланысты онлайн марапатталды.

Барлық қатысушыларға шексіз алғыс білдіре отырып, алдағы уақытта тағы да керемет жаңа туындыларыңызды күтеміз.

Едресов Қанат Уәлиұлы 1972 жылы 12 қазанда Қостанай облысы Амангелді ауданы Амантоғай совхозы «Шақпақ» ауылында дүниеге келді.

1987 жылы Арқалық қаласындағы Музыка училищесінің «домбыра» сыныбына оқуға түсіп, 1991 жылы «Балалар музыка мектебінің мұғалімі және көркемөнерпаздар оркестірінің жетекшісі» біліктілігі бар диплом алды. 1991 жылы Қостанай облысы Амангелді ауданы Ақсуат ауылында түлеп ұшқан алтын ұя Ақсуат орта мектебінде еңбек жолын бастап, бүгінгі таңда Астана қаласындағы №70 мектеп - лицейде еңбек жолын жалғастырып келеді.

Еңбек өтілі 30 - жылдан асқан шебер ұстаз.

Жетістіктері:

XIII-Республикалық «Елім менің » конкурсының I - орын иегері,

Қазақстан авторлар қоғамының мүшесі, Қостанай облыстық «Композиторлар Одағы» қоғамдық бірлестіктің мүшесі.

350-ден аса ән-әуендердің авторы, бірнеше өлеңдердің авторы.