Ақ тілектер, ақжарма лебіздер...

Алтын микорфон-2022" ХІХ халықаралық байқауы аяқталса да, осы мәдени іс-шараға куә болған меймандар тарапынан лебіз-тілектер толастаған жоқ. Әсіресе, үш күнге ұласқан байқаудың басы-қасында болып, балаларына жанкүйерлік жасаған ата-аналардан түсіп жатқан хаттар саны көп. Олар ұйымдастырушыларға алған әсерлері мен алғыс-рахметтерін хабарлама арқылы жолдау үстінде.

Хабарламалардың бәрі облыстық көркемөнерпаздардың халық шығармашылығы мен кинобейнеқор орталығының маманы Бибігүл Сембаеваның WhatsApp мессенджеріне келіп түскен.

Мәселен, ақтаулық үміткер Рашида Мұхаметқызының анасы Жұма Темірханова зор әсермен қайтып бара жатқанын айтыпты.

"Алтын микрофон-2022" байқауын ұйымдастырушыларға көптен-көп рахмет. Керемет деңгейде өтті. Балаларымыз осы жерге келіп, үлкен сабақ алды. Барлығы жоғары деңгейде ұйымдастырылған. Сіздерге Алла разы болсын!" - деп лебіз білдірген ол.
Сондай-ақ, елдің батыс өңірінен келген тағы бір үміткер Ділназ Тілепованың да анасы ыстық лебізін жеткізген.

"Байқау өте жақсы, биік дәрежеде өтті. Ұйымдастыруыларға көп рахмет. Іс-шара бастан-аяқ көңілімізден шықты, қатты ұнады. Лайым жұмыстарыңыз жемісті, табысты болсын!" - жазды ақтаулық Ағила Жұмабаева.

Әріптесіміз Бибігүл ханымның айтуынша, ықылас хаттарын жолдаушылардың санынан жаңылуға болады. Бастысы, мұны шынайы құрмет пен алғыстың, сыйластық пен қимастықтың айқын белгісі деуге болады.