Бүгін Қостанай қаласына "Алтын микрофон-2022" ХІХ халықаралық әншілер байқауының қатысушылары келіп жатыр.
Байқау ұйымдастырушылары таңертең ертемен қырғызстандық меймандарды қарсы алды.
Айыр қалпақты ағайындар елінен қазылар алқасының мүшесі, Қырғызстан Республикасының Еңбек сіңірген әртісі Гүлнара Тойғанбаева және Раяна Алимбаева, Айдай Балбаева есімді екі қатысушы келді.
Сәл кейінірек армениялық қонақтар – қазылар мүшесі, өз елінің белгілі өнер қайраткері Вреж Киракосян мен байқауға қатысушы Татевик Арцрунян мінген ұшақ Тобыл төсіне келіп қонды. Сонымен қатар, Белорусия елінен төрешілердің тағы бір мүшесі, әйгілі "Славян базары" халықаралық байқауының директоры Глеб Лапицкий де астықты аймаққа табан тигізді. Меймандар легін қостанайлық әріптестері ерекше құрметпен тосып алып жатыр.
Қазылар алқасының төрағасы, ҚР Еңбек сіңірген қайраткері, әнші, композитор Жеңіс Сейдоллаұлы да келді. Осы орайда қазылар алқасы құрамында ҚР Мәдениет қайраткерлері – Қарлығаш Әбдікәрімова (Алматы) және Гүлбану Абдуллина (Қостанай) бар екенін айта кетейік.
Сондай-ақ, дәл қазіргі уақытта Е.Өмірзақов атындағы Қостанай облыстық филармониясында қызу дайындық басталды.
Естеріңізге саламыз, кең ауқымды балалар мен жасөспірімдер байқауының соңғы халықаралық кезеңі бүгін 17:00-де басталып, қазақстандық және шетелдік жас өрендер 1-айналымда өнерлерін паш етеді. Жалпы, "Алтын микрофон-2022" байқауы үш күнге ұласады.
Қостанайдағы ерекше мәдени оқиғаны қапы қалдырмаңыздар!
Dala_FestKPIАйтысАуыл_тынысыАхмет_Байтұрсынұлы_–_150_жылДеген_екенДомбыра күніЕлге_сәлемЖеңімпаздарЖыр_маржанКездесулер_мен_презентацияларКонцертМарапаттауМәдени_мұраСаясатСағындырған_әуендерТарих_жебесіТеатр_әлеміндеТобыл-Торғай_әуендеріШығармашылық_кешҚазақтың_дәстүрлі_1000_күйіҚұттықтаймыз!Ән_–_көңілдің_ажары
