"АЛТЫН МИКРОФОН-2021": Облыстық іріктеу аяқталды

Құрметті әнсүйер қауым және қатысушылар!
Біз сіздерге on-line режиміндегі дәстүрлі "Алтын микрофон-2021" XVIII Халықаралық вокалистер байқауының облыстық іріктеу кезеңі аяқталғанын хабарлауға асықпыз!

Бұл – Қостанай облысының жас дарындарын анықтап, олардың өнер шыңына қанат қағуына қолдау көрсетуді көздейтін кең ауқымды байқаудың маңызды кезеңі. Мұнда жарқырай көрінген жеңімпаздар халықаралық сында өңір намысын қорғайтын болады.

Сонымен, облыстық іріктеу кезеңі осы жылдың 1 қазанында басталып, 1 қарашаға дейін 60 қатысушыдан өтінім мен бейнематериалдар қабылданды.

Үміткерлердің ән салған бейнематериалдарын мұқият тыңдай келіп, қазылар алқасы І, ІІ және ІІІ дәрежедегі лауреат атануға лайық жас дарындарды анықтады. Олардың ішінен байқаудың халықаралық кезеңінде өнер көрсететін қатысушылардың есімдері белгілі болды.

Қатысушыларға кәсіби орындаушылар, танымал музыканттар Қазақстан Республикасының, сондай-ақ Қостанай облысының Мәдениет және өнер қайраткерлері қазылық жасады. Атап айтқанда қазылар төрайымы – Е.Өмірзақов атындағы Қостанай облыстық филармониясының солисі Гүлбану Сұлтанқызы Абдуллина болды.

Сонымен қатар, ҚР Мәдениет үздігі, халықаралық және республикалық байқаулардың лауреаты, Е.Өмірзақов атындағы Қостанай облыстық филармониясының әншісі Манапбек Сапарбайұлы Кәдіров, халықаралық "Шабыт" фестивалінің лауреаты, облыстық филармонияның "Славянская песня" ансамблінің солисі Татьяна Яверовна Мырзатаев жас әншілерге төрелік етті.

Сонымен, қазылар мүшесі облыстық іріктеу кезеңінде төрт түрлі жас деңгейі бойынша 12 жүлдегерді анықтады:

Құзіретті қазылар алқасының шешімімен "Алтын микорфон-2021" XVIII Халықаралық вокалистер байқауында Қостанай облысының намысын әр жас деңгейіндегі төрт жеңімпаз қорғайтын болады.

"Алтын микорфон-2021" XVIII Халықаралық вокалистер байқауының финалистері

Байқауды ұйымдастырушылар – "Облыстық көркемөнерпаздардың халық шығармашылығы мен кинобейнеқор орталығы" КМҚК және Қостанай облысы әкімдігінің Мәдениет басқармасы.

Облыстық кезеңнің жеңімпаздарын құттықтаймыз және сіздерді "Алтын микрофон-2021" халықаралық байқауында күтеміз!