2021 жылы 15-17 мамырда «Айналдым сенен, Атамекенім» облыстық қызғалдақтар онлайн фестивалі (Open air) өтті.
Қостанай облысы әкімдігі мәдениет басқармасының «Облыстық көркемөнерпаздардың халық шығармашылығы мен кинобейнеқор орталығының» ұйымдастыруымен фестиваль аясында аймақтық «Қызғалдақты құт мекен» онлайн арнаулар байқауы, «Өнерлінің қолы алтын» атты онлайн аймақтық қолөнершілер байқауы, «Қызғалдақтар биі» онлайн аймақтық хореографиялық байқауы өткізілді.
Фестивальдің мақсаты: ҚР Тұңғыш Президенті, Елбасы Н. Назарбаевтың «Ұлы даланың 7 қыры» мақаласын жүзеге асыру; «Рухани жаңғыру» мемлекеттік бағдарламасының «Фольклор мен музыканың мың жылы» арнайы жобасы негізінде қазақ халқының фольклорлық этномузыкасын сақтау және насихаттау; қолөнер саласындағы шеберлерді қолдау, би өнерінде ұлттық мәдениеттің біртұтастығын сақтау мақсатында орындаушылық өнерді жария ету, көпшілікке таныту, жастарды ұлттық өнерге тарту және шығармашылық өсу үшін жағдай жасау.
Фестиваль жобалары 15-16 мамырда әлеуметтік желідегі @culture_qostanai Instagram парақшасында жарияланды, қорытындысы 17 мамырда шықты.
Фестивальде Қостанай облысының Амангелді, Жангелдин, Наурзым, Қамысты, Әулиекөл аудандары мен Арқалық қалаларының ұжымдары өнер көрсетті.
«Қызғалдақты құт мекен» онлайн арнаулар байқауында І орынға Бүркітбай Фариза (Жангелдин ауданы), ІІ орынға Апбасхан Балғын (Арқалық қаласы), ІІІ орынға Балтасар Тұрысбекұлы (Амангелді ауданы, Есір ауылы) ие болды.
«Өнерлінің қолы алтын» атты онлайн аймақтық қолөнершілер байқауында І орын - «Қызғалдақ гүлі» (Тұрысбек Айдар, Амангелді ауданы), ІІ орын - «Қазақ даласының ұлылығы» (Іздібаева Нұрай Маратқызы, Арқалық қаласы), ІІІ орын - «Наурызым қорығы» (Өтелбаева Гүлнұр, Наурызым ауданы) жұмыстарына берілді.
«Қызғалдақтар биі» онлайн аймақтық хореографиялық байқауында І орынды «Ақбота» халық би ансамблі (жетекшісі Айгерім Балғынбаева, Арқалық қаласы), ІІ орынды «Ерке наз» би ансамблі (жетекшісі Жанат Алимбаева, Жангелдин ауданы), арнайы сыйлықты «Қызғалдақтай ерке қыз» биін орындаған Мөлдір Ғабдыбекова (жетекшісі Данагүл Молдашева, Амангелді ауданы) иеленді.
Барлық жүлдегерлер дипломдармен және ақшалай сыйлықтармен марапатталды.
