Қостанай облысынан келген қатысушылар төрт кезеңнен тұратын байқауда өз өнерін көрсетуде.

Бірінші кезеңде атқарған жұмыстарын көрме арқылы таныстырса, екінші кезеңде авторлық жобаларын қорғау қажет. Үшінші кезеңде Тобыл-Торғай өңірі композиторларының әнін орындап, төртінші кезеңде Наурыз мерекесіне орай салт-дәстүрге қатысы бар әнді орындау шарт.

Байқау бүгін түске дейін екі кезең бойынша өтуде, түстен кейін қалған кезеңдер жалғасады. Байқаудың мақсаты – өңір композиторларының әндерін насихаттап, ауыл клубтарының ұйымдастырушыларын қолдап, олардың шығармашылық және ұйымдастырушылық жұмыстарын бағалау.