«ЖҰМЫС — БІЛЕКТЕ, ӨНЕР — ЖҮРЕКТЕ»: Облыстық көркемөнерпаздардың халық шығармашылығы және кинобейнеқор орталығы мен «СарыарқаАвтоПром» ЖШС бірлесіп жүзеге асырып жатқан «Алло, біз таланттарды іздейміз» жобасы – еңбекқор, дарынды азаматтарының шығармашылық қабілеттерін ашуға бағытталған ерекше бастама.
Бұл жоба еңбек адамдарының жасырын таланттарын танытуға мүмкіндік беріп қана қоймай, олардың өнерге деген сүйіспеншілігін дәріптеуді көздейді. Сонымен қатар, Қазақстан Республикасының Президенті Қасым-Жомарт Тоқаевтың Жолдауында 2025 жыл «Жұмысшы мамандықтары жылы» деп жарияланып, еңбекке құрмет көрсету мен шығармашылық әлеуетті дамытуға ерекше мән берілуде.
Жобаның №11 қатысушысы – Савина Лилия.
Лилия зауытта қоймашы болып еңбек етеді. Ән айтумен 20 жылдан бері айналысып келеді, осы уақыт ішінде өзінің дауысы мен өнерін шыңдаған. Ол байқауға қатысу үшін арнайы ән дайындап та қойды. Өзін көпшілік алдында көрсетіп, шығармашылық шеберлігін дамытуға бағытталған жаңа мүмкіндіктерге ұмтылуда. Ән айту арқылы Лилия өзінің ішкі әлемін ашып, көпшілікпен байланыс орнатуды мақсат етеді. Енді осы байқауда өз өнерін шыңдап, жаңа белестерге көтерілмекші.
