«ЖҰМЫС — БІЛЕКТЕ, ӨНЕР — ЖҮРЕКТЕ»: Облыстық көркемөнерпаздардың халық шығармашылығы және кинобейнеқор орталығы мен «СарыарқаАвтоПром» ЖШС бірлесіп жүзеге асырып жатқан «Алло, біз таланттарды іздейміз» жобасы – еңбекқор, дарынды азаматтарының шығармашылық қабілеттерін ашуға бағытталған ерекше бастама.
Бұл жоба еңбек адамдарының жасырын таланттарын танытуға мүмкіндік беріп қана қоймай, олардың өнерге деген сүйіспеншілігін дәріптеуді көздейді. Сонымен қатар, Қазақстан Республикасының Президенті Қасым-Жомарт Тоқаевтың Жолдауында 2025 жыл «Жұмысшы мамандықтары жылы» деп жарияланып, еңбекке құрмет көрсету мен шығармашылық әлеуетті дамытуға ерекше мән берілуде.
Жобаның №10 қатысушысы – Жүсіпов Жеңіс.
Жеңіс – механикаландырылған қойма операторы. Жұмысымен қатар ән салғанды да ұнатады. Өзі бала кезден ән салады, музыкалық қабілеті ерекше. Ән айту оның өмірінің маңызды бөлшегі десе де болады. Сонымен қатар, жарыстарға қатысуға қызығушылық танытып, өнерін жаңа деңгейде сынап көруге дайын.
