«ЖҰМЫС — БІЛЕКТЕ, ӨНЕР — ЖҮРЕКТЕ»: Облыстық көркемөнерпаздардың халық шығармашылығы және кинобейнеқор орталығы мен «СарыарқаАвтоПром» ЖШС бірлесіп жүзеге асырып жатқан «Алло, біз таланттарды іздейміз» жобасы – еңбекқор, дарынды азаматтарының шығармашылық қабілеттерін ашуға бағытталған ерекше бастама

Бұл жоба еңбек адамдарының жасырын таланттарын танытуға мүмкіндік беріп қана қоймай, олардың өнерге деген сүйіспеншілігін дәріптеуді көздейді. Сонымен қатар, Қазақстан Республикасының Президенті Қасым-Жомарт Тоқаевтың Жолдауында 2025 жыл «Жұмысшы мамандықтары жылы» деп жарияланып, еңбекке құрмет көрсету мен шығармашылық әлеуетті дамытуға ерекше мән берілуде.

Жобаның № 6 қатысушысы – Амина Нұрғужа.

Амина – жарнама инженері, бірақ оның жаны өнерге жақын. Ол бала кезінен музыкаға әуес болып, ән айтуды өмірінің ажырамас бөлігіне айналдырған. Ән айтуға деген сүйіспеншілігі оны түрлі байқауларға қатысуға жетелеп, бірнеше рет жүлделі орындарға ие болған.

Студенттік жылдары Амина түрлі мәдени іс-шаралардың белсенді қатысушысы болды. Ол университет сахнасынан түспей, әртүрлі жанрда ән шырқап, тыңдармандарын ерекше даусымен тәнті етті. Оның репертуарында түрлі әндер бар.

Жоба туралы естігеннен кейін, ол біраз ойланып, өзінің шығармашылығын одан әрі шыңдау үшін қатысуға шешім қабылдады. Амина бұл байқауды жаңа мүмкіндік деп қабылдап, көрермендерге өзінің өнерін көрсеткісі келеді.

@allur.kz
@allur_work_kst
@allur_university

www.allur.kz