Бейсенбінің кешінде «Dala Fest» шығармашылық марафоны қаламызды думанға бөлеуде. Бұл жолы да орталықтағы сахнада кезекті Қостанай облысы көркемөнерпаздар ұжымдары мен орындаушыларының «Dala Fest» шығармашылық марафоны басталды.

 

Орталыққа келушілер әсем ән тыңдап, түрлі топтардың өнерлерімен танысу үшін жиналған. 
 

«Биылғы фестиваль былтырғыдан өзгерек» деп бастады концертті жүргізуші. Шынымен де биылғы өнер кешінің өзіндік ерекшелігі бар. Кеш барысында бір ауданның ғана өнерпаздары емес, облысымыздың әр өңірінен арнайы келген вокалды-аспаптық ансамбль ұжымдары, ерекше топтар өнер көрсетті. Облыстық көркемөнерпаздардың халық шығармашылығы мен кинобейнеқор орталығының басшысы Дәмер Қалқаев алғы сөз сөйлеп, баршаға алғысын білдірді. Дала фестивалінде дара таланттар ән салып, баршаның көңілін көтерді. 
 

Іс-шараны облыстық мәдениет басқармасы мен облыстық көркемөнерпаздардың халық шығармашылығы мен кинобейнеқор орталығы ұйымдастырды. 

#ГидПоКазахстану