Қазақы қалжыңның хас шебері, «Қыр елінің Крыловы» атанған, сатирик, жазушы, этнограф, ғалым Сейіт Кенжеахметов атындағы «Мірдің оғы» республикалық әзіл-сықақ театрлар байқау-фестивалі мәресіне жетті.
Байқауға 7 облыстан 12 ұжым қатысты. Бірінші күні Сейіт Кенжеахметовтің шығармаларынан қойылым қойылса, екінші күні өз таңдауларына қарай әзілдер болды. Әзілдің майын ішіп, жілігін шаққан, қалжыңнан қуырдақ қуырып, көрерменді күлкімен ауқаттандырып жүрген, өнерпаздарға Қазақстанның еңбек сіңірген қайраткері, «ТТТ» театрының директоры, Тамаша ойын-сауық театрының белгілі актеры, кино актеры – Асылбек Боранбаев;
Жазушы-сатирик, Қазақстан Республикасының мәдениет қайраткері, «Екі езу» театрының көркемдік жетекшісі – Нұрлыбек Жұбатқан;
Қазақстан жазушылар одағының мүшесі, ақын - Абылай Маудан.
Белгілі ұстаз-ғалым, Ы.Алтынсарин атындағы медальдің иегері, «Жеті қазына» этнопедагогика бойынша бағдарлама авторы, «Әлем көшбасшысы» құрметті атағының иегері, Астана қаласының 59 мектеп-лицей директорының ғылыми-әдістемелік жұмыс бойынша орынбасары, Кенжеахметова Зәмзагүл Сейітқызы.
Сарыкөл аудандық мәдениет үйінің директоры, "Таған" театрының әртісі, Қостанай облысы меценаттар клубының "Шабыт" сыйлығының иегері Нұрлан Байшин төрелік етті.
Сонымен байқау жеңімпаздары:
3 орын – Қызылорда облысы, Шиелі ауданы «Жадыра» ойын-сауық отауы. Жетекшісі Фархад Доскенов және Қостанай облысы, Бейімбет Майлин ауданы, «Халық» театры, жетекшісі Мархабат Нокишов. (250 мың ақшалай сыйақы).
2 орын – Маңғыстау облысы, Жаңаөзен қаласы, «Бостан» әзіл-сықақ театры, жетекшісі Қуаныш Бүркітбаев. (300 мың теңге сыйақы).
1 орын – Жамбыл облысы, «Басқар Битанов» халық театры, жетекшісі Эльмира Жақсыбайқызы. (400 мың теңге сыйақы).
Бас жүлде – Түркістан облысы, Келес ауданы, «Күлкі терапеясы» әзіл-сықақ театры. Жетекшісі Ербол Назаров «500 мың теңге сыйақы).
Көпен Әмірбек атындағы арнайы сыйлық Павлодар облысы, Май ауданы, Халықтық «Мерзихан Шайхин» атындағы театры, жетекшісі Аида Чаймарданова және Ғұмар Ахметчин атындағы арнайы сыйлықты Қостанай облысы, «Күн мен Түн» әзіл театры, жетекшісі Мұрат Нағашыбай иеленді.
Осы байқаудың өтуіне атсалысқан Жітіқара, Қамысты, Б.Майлин, Денисов аудандарының өнерпаздары облыстық халық шығармашылық орталығының Алғыс хатымен марапатталды.
Dala_FestKPIАйтысАуыл_тынысыАхмет_Байтұрсынұлы_–_150_жылДеген_екенДомбыра күніЕлге_сәлемЖеңімпаздарЖыр_маржанКездесулер_мен_презентацияларКонцертМарапаттауМәдени_мұраСаясатСағындырған_әуендерТарих_жебесіТеатр_әлеміндеТобыл-Торғай_әуендеріШығармашылық_кешҚазақтың_дәстүрлі_1000_күйіҚұттықтаймыз!Ән_–_көңілдің_ажары
