ШЕКСІЗ ШЫҒАРМАШЫЛЫҚ

Федоров ауданында «Жастар» аудандық мәдениет үйінде мүмкіндіктері шектеулі шығармашыл жандарға арналған «Шексіз шығармашылық-2022» аймақтық шығармашылық фестивалі өтті.

Мұндай фестиваль алғаш рет мемлекеттік әлеуметтік тапсырыс аясында облыстық деңгейде өтіп отыр. Фестивальге Қостанай облыстық «КОМПОЗИТОРЛАР ОДАҒЫ» қоғамдық бірлестігінің төрағасы А.Мұқатов, облыстық көркем өрерпаздардың халық шығармашылығы мен кинобейнеқор орталығының халық шығармашылығын дамыту бойынша әдіскері Б.Баженова және орталықтың фестивальдер мен байқауларды ұйымдастыру бойынша әдіскері Ж.Нағымжан төрелік жасап, өз бағаларын беріп қайтты.

Фестивальге 10 адам қатысты. Қатысушылар Рудный қ., Лисаковск қ., Әулиекөл, Қостанай, Федоров, Бейімбет Майлин аудандарынан келді. Барлық қатысушылар - фестиваль дипломанты атағына ие болды, олар дипломдар мен ақшалай сыйлықтармен марапатталды. Қостанай облысының көркемөнерпаздар халық шығармашылығы мен кинобейнеқор орталығының басшысы Д.Е. Қалқаевтың атынан арнайы жүлденің иегері Қарабалық ауданынан келген Александр Феданов болды.

Орталық мамандары ауданның мәдениет үйінің әдістемелік жұмыстарымен танысып, тексеріп, бағыт бағдар берді. Қуаныштысы атқарылып жатқан жұмыстар тап-тұйнақтай. Бәрі өз орнында.

Ал А.Мұқатов дыбыс жазу студиясының жұмысымен танысты. Студия жетекшісі Қ.Тоқтаровтың жоспарлары көп, әрі бұл бастамаға мәдениет үйі басшылығы қолдау білдіріп отыратыны қуанышты жағдай.