«Мен Қазақпын» республикалық телевизиялық мегажоба
14.06.2018
1614
0
Ақпаратты достарыңызбен сілтеме арқылы бөлісіңіз:
«Мен Қазақпын» республикалық телевизиялық мегажоба
Қазақстан Республикасы Президенті Н.Ә. Назарбаев «Болашаққа бағдар: рухани жаңғыру» атты мақаласында ұлттық кодты сақтай отырып, ұлттық сана- сезімнің көкжиегін кеңіту керектігін айтты. «Салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс»-деді. Осы ретте атадан балаға мирас болған ұлт өнерін насихаттау мақсатында 2018 жылғы 13 маусым күні «Мен Қазақпын» республикалық телевизиялық мегажобаның облыстық туры болып өтті.
Байқауға Қостанай облысының аудандары мен қалаларынан «Мен Қазақпын» республикалық телевизиялық мегажобаның облыстық турының бірінші іріктеу кезеңінде 48 үміткерлер қатысып, екінші облыстық іріктеу кезеңіне жолдама алған 28 үміткер бағын сынады.
Байқаудың қорытындысы бойынша «Ең үздік күйші» номинациясында Ерлан Шакиров (Арқалық қаласы), «Ең үздік термеші» номинациясында ие
болған Нұрсұлтан Қасым (Қостанай қаласы), «Ең үздік әнші» номинациясына ие болған Талғат Молдағалиев (Қостанай қаласы) республикалық кезеңге
жолдама алды.
